kokborok gospel song lyrics || kokborok song lyrics , Borok dophani jatw takhuk tei bakhwk roknw Kokboroksongs.in website ne faising jisuni mungbai hambai yaphar rw ,Kaitornw lobna bagwi tei kaitor ni mong nw twiwi rwchapnanai bagwi Jisuni rwchamung kokthai rok free download khaidi .

kokborok gospel song lyrics || kokborok song lyrics

Jisu Kritono Lobmung

Kokthai (Lyrics)

BUGRA JISU MWTHANGNAI APHA

    Bugra Jisu mwthangnai Apha,
    Khakchang rwnai Nwng chwngno; …2

 

1. Hamjak tongo Nono chwngle,
    Chini bagwi Nwng thwi kha-2
    M’thang bai kha do, thwi k’thar bai se,
    Chwng le tongo Nwng bai se.

 

2. Nwng hai le o ha-o tei krwi,
    Ha saka bai Nokha-o ….’2
    Apha kaitor mwthangnai kotor
    Tong o Nwng chini Palo.

 

3. Chwng le tong o naisingwi se,
    Phung  kwchang bai aidrobo ….2
    Hamya hwn thung chwngno bui le,
    Him anw Bugrani logi.

#####

Jisu Kritono Lobmung

Kokthai (Lyrics)

BIYANG KHÁR THÁNG SINAI

          Biyang khár tháng sinai,
Jaga krwi kha swngcharo
Lengla thai jaga krwi kha,
Biyang thángnai pál man ya.

 

1) Uanama poja birman pái ya,
Khá-o khakchangma man ya;
Mwnakma swngchar kobolwi tong kha,
Lama koroi ma tong kha……(2)

 

2) Lama mwnakma himna ang si ya,
Apha ano yak tol ja di;
Khairoknai Kaitor ano bamsa di
Ang lama koroi tongmani. …(2)

 

3) Krimasingcha busu kwbángma,
Yapri séna uanama;
O subrai Jisu ang bai tong ja di,
Nin’ lama ano him rw di….(2)

######

Jisu Kritono Lobmung

Kokthai (Lyrics)

BOROKNI LANGMA ASWK BARA

              Borokni langma aswk bara
Paima sislab ya jora;
Jora tongsani khasi rwk ya khe le
Mwnago hab anw bo le .-2

 

1. Khum bubar naithok bahaibo motom,
Dakti hoichaui thangma hai;
Hachwk ni twimuk riyorwi tongmani,
Sachlango ranwi thangma hai;
Langmani phangno sini man khe le
Phola le khakchang anw .

 

2. Sikla jorani naithokma mwkhang
Sni na tugwi se thang anw.
Takjak thong kwrak nini nok naithok
Baikhrubwi dakti thangma hai,
Langmani phangno sini man khe le
Phola le khakchang anw.

 

#######

 


1 Comment

Kokborok Christmas song || Kokborok Gospel song · August 23, 2019 at 1:35 pm

[…] Kokborok Christmas song || Kokborok Gospel song ,Borok dophani jatw takhuk tei bakhwk roknw Kokboroksongs.in website ne faising jisuni mungbai hambai yaphar rw ,Kaitornw lobna bagwi tei kaitor ni mong nw twiwi rwchapnanai bagwi Jisuni rwchamung kokthai rok free download khaidi . […]

Leave a Reply

Your email address will not be published. Required fields are marked *

%d bloggers like this: